 |
| Il Paese di Cherso (Cres) |
 |
| ISOLA MIA
Isola mia de sol incoronada e de silenzi che la bora ronpe bianchisando de spiuma la marina, svola i grifoni sovra la rovina dei castelieri messi far la guardia de Ustrina latina e de Hibernicia fin Caisole fiera, in tramuntana. Isola un fia salvadiga e un fia strana fra 'l cuntrastar de onbre e de ciarori grote a strapiombo e umide calanche indove i mus'ci come i primi amori vargognosi i se sconde soto i gus'ci. Dolze tera de miel che la balnestra spande par aria co se sgrava el majo e del pił garbo asedo che fa santa del zapador la sede e la fadiga. Isola mia ti sta come una diga par fermar le ventere del levante e dele sgrinfie barbare le ofese, povara tera mia, senza pretese, siben che le stajoni passi e tante senpre de pił de ti mi se inamoro carne de Absirto tera de San Marco e de sto amor proibito a pian mi moro. Aldo Policek. |